ສະຫະລັດຕົກອອກຈາກ 10 ປະເທດທີ່ສົ່ງອອກສິນໃນນໍ້າທີ່ໃຫ່ຍທີ່ສຸດຂອງໂລກ
ການສົ່ງອອກຂອງສະຫະລັດໃນປີ 2020 ຫຼຸດລົງ 16% ອັນເຮັດໃຫ້ ສະຫະລັດບໍ່ມີຊື່ຢູ່ໃນບັນຊີ 10 ປະເທດທີ່ມີການສົ່ງອອກສິນໃນນໍ້າທີ່ໃຫ່ນທີ່ສຸດຂອງໂລກ.
ຂໍ້ມູນຈາກສູນການຄ້າສາກົນ(ITC) ສະມາຄົມການປຸງແຕ່ງ ແລະ ສົ່ງອອກສິນໃນນໍ້າຂອງຫວຽດນາມ ໃຫ້ຮູ້ວ່າ ການສົ່ງອອກສິນຄ້າປະເພດດັ່ງກ່າວຂອງສະຫະລັດໃນປີທີ່ຜ່ານມາຫຼຸດລົງ 860 ລ້ານໂດລາ, ຍັງເຫຼືອພຽງ 4,48 ຕື້ໂດລາ ຊຶ່ງເປັນປີທີ 3 ຕິດຕໍ່ກັນ. ເມື່ອທຽບໃສ່ປີ 2017 ຫຼຸດລົງ 24%.
ຈາກເປັນປະເທດຢູ່ອັນດັບທີ 9 ຂອງໂລກ, ສະຫະລັດໄດ້ຕົກມາຢູ່ທີ 11. ສະເປນ ເປັນປະເທດທີ່ຂຶ້ນມາປ່ຽນແທນສະຫະລັດ ອັນເນື່ອງມາຈາກຮັກສາການສົ່ງອອກຢ່າງໝັ້ນຄົງຢູ່ທີ່ 4,5ຕື້ໂດລາ ໃນປີທີ່ຜ່ານມາ. ສະຫະລັດຍັງມີທ່າອ່ຽງຈະຫຼູດລົງຕື່ມອີກ.
ເຖິງຢ່າງໃດກໍຕາມ, ເບິ່ງພາບລວມແລ້ວ, ການສົ່ງອອກສິນໃນນໍ້າຂອງບັນດາປະເທດລ້ວນແຕ່ຫຼຸດລົງໃນປີທີ່ຜ່ານມາ.ການສົ່ງອອກຂອງ ປະເທດ ການາດາ ຫຼຸດລົງ 14%, ຍັງເຫຼືອ 4,8 ຕື້ໂດລາ, ປະເທດ ຊີເລ ຫຼຸດ 13%, ຍັງເຫຼືອ 5,3 ຕື້ໂດລາ.
ອັງກິດເປັນປະເທດທີ່ຫຼຸດຫຼາຍທີ່ສຸດ 18%, ເຢຍລະມັນ 3%. ນໍເວ ຂະນະນີ້ຢູ່ອັນດັບທີ 2 ໃນຕາຕະລາງຂອງການຈັດອັນດັບ, ຈາກນັ້ນແມ່ນ ຈີນ ແລະ ຕາມມາແມ່ນຫວຽດນາມ.
ຂໍ້ມູນຈາກ ພາສີຂອງຈີນ ໃຫ້ຮູ້ວ່າ ການສົ່ງອອກ ສິນໃນນໍ້າຂອງຈີນຈະຫຼຸດລົງ 8% ຍັງເຫຼືອ 18,3 ຕື້ໂດລາ. ສ່ວນຫວຽດນາມ ຢູ່ອັນດັບທີ 3, ຫຼຸດ 2% ໃນປີກາຍ, ຢູ່ທີ່ 8,41 ຕ໊ໂດລາ.
