ລັດຖະບານອີນເດຍ ສັ່ງຫ້າມ ໃຊ້ເງິນດີຈີຕອນ

ສຳນັກຂ່າວ ຣອຍເຕີ ລາຍງານ ເມື່ອວັນທີ 15 ມີນານີ້ ໂດຍອ້າງອີງຄຳໃຫ້ການຂອງເຈົ້າໜ້າທີ່ລະດັບສູງຄົນໜຶ່ງຂອງອິນເດຍ ໃຫ້ຮູ້ວ່າ ລັດຖະບານອິນເດຍກຳລັງຈະອອກກົດໝາຍຫ້າມໃຊ້ເງິນດີຈີຕອນ ແລະ ຈະປັບໃໝທາງບໍລິຫານຕໍ່ກັບຜູ້ທີ່ນຳໃຊ້ສະກຸາເງິນດີຈີຕອນຢູ່ພາຍໃນປະເທດ.

ກົດໝາຍດັ່ງກ່າວຈະລົງໂທດທາງອາຍາຕໍ່ຜູ້ທີ່ມີໄວ້ຄອບຄອງ, ຈຳໜ່າຍ, ສະສົມ, ເຮັດທຸລະກຳ ແລະ ຈໍລະຈອນ ເງິນເໝືອນ ຫຼື ເງິນດີຈີຕອນ.

ຖ້າກົດໝາຍສະບັບດັ່ງກ່າວຫາກຖືກປະກາດນຳໃຊ້ຢ່າງເປັນທາງການ ອິນເດຍຈະເປັນຊາດມະຫາອຳນາດທຳອິດທີ່ຖືວ່າມີໄວ້ຄອບຄອງເງິນດີຈີຕອນ ຜິດກົດໝາຍ. ຈີນກໍມີການຫ້າມປາມ ແຕ່ແຕ່ບໍ່ທັນໄດ້ມີການປັບໃໝຕໍ່ຜູ້ທີ່ມີໄວ້ຄອບຄອງ.

ເຈົ້າໜ້າທີ່ທາງການໃຫ້ຮູ້ວ່າ ກົດໝາຍດັ່ງກ່າວອາດຈະຖືກປະກາດນຳໃຊ້ ໂດຍພັກກໄອຳນາດຂອງນາຍົກລັດຖະມົນຕີ ຂອງອິນເດຍ ນາເຣັນຣາ ໂມຢີ ຊຶ່ງມີທີ່ນັ່ງໃນສະພາເປັນຫາງສຽງສ່ວນຫຼາຍ.