ມາເບິ່ງສໍານັກງານຂອງ Google ຈາກບ່ອນຕ່າງໆໃນທົ່ວໂລກ ແລ້ວຈະຮູ້ວ່າເປັນຫຍັງພະນັກງານຈຶ່ງມັກບ່ອນນີ້ຫຼາຍ
Google ເປັນທີ່ຮູ້ຈັກກັນດີໃນການອອກແບບສໍານັກງານໄດ້ຢ່າງສ້າງສັນ, ສ້າງຄວາມສຸກໃຫ້ກັບພະນັກງານ ເຊິ່ງການສ້າງຜະລິດຕະພັນດ້ານເຕັກໂນໂລຊີທີ່ີມີປະສິດທິພາບຢ່າງທີ່ເຮົາເຫັນໃນທຸກວັນນີ້.
ສໍານັກງານຢູ່ຢູຣິກ ປະເທດສະວິດ: ໄດ້ຮັບການອອກແບບໂດຍບໍລິສັດສະຖາປະນິກ Camenzind Evolution ໂດຍມີຫ້ອງປະຊຸມຮູບໄຂ່, ຫ້ອງປະຊຸມຮູບອຸໂມງໃຕ້ດິນທີ່ເບິ່ງລຶກລັບ ແລະ ສະໜາມກິລາບານເຕະ ແລະ ບານບ່ວງ.
ສໍານັກງານຢູ່ດັບລິນ ສາທາລະນະລັດອຽກລັງ: ມີພື້ນທີ່ເຮັດວຽກເປັນສີສັນຕ່າງໆ ເພື່ອໃຫ້ພະນັກງານຮູ້ສຶກຜ່ອນຄາຍ ແລະ ເພີ່ມປະສິດທິພາບໃນການເຮັດວຽກໄດ້ພ້ອມໆກັນ. ນອກຈາກນີ້ ຫ້ອງປະຊຸມຍັງອອກແບບມາໃຫ້ເຂົ້າກັບທໍາມະຊາດ ແລະ ຫ້ອງສະໝຸດກໍຄືກັບຫຼຸດມາຈາກໂລກ.
ສໍານັກງານໃຫຍ່ທີ່ນະຄອນວໍຊິງຕັນ ປະເທດສະຫະລັດອະເມລິກາ: ມີທັງຫ້ອງອາຫານ ແລະ ໜ້າຜາຈໍາລອງ ໃຫ້ພະນັກງານໄດ້ຜ່ອນຄາຍແບບສຸດໆ. ອີກທັງຍັງມີແຜນທີ່ປະເທດຂະໜາດໃຫຍ່ ແລະ ສົ່ງເສີມການເລືອກຕັ້ງສຸດໆ.
ສໍານັກງານທີ່ນະຄອນຫຼວງປາຣີ ປະເທດຝຣັ່ງ: ມີລົດ Citroen 2CV ສີແດງເງົາງາມຈອດຢູ່ພາຍໃນສຳນັກງານ.
ສໍານັກງານທີ່ຊິກາໂກ ປະເທດສະຫະລັດອະລິກາ: ມີຟຸດຊໍ ແລະ ຕູ້ເກມໃຫ້ພະນັກງານຫຼິ້ນ ຫຼື ຈະຮັບສະໝອງດ້ວຍການຕໍ່ຊິ້ນສ່ວນເທິງກໍາແພງ ແລະ ມີມຸມໃຫ້ຜ່ອນຄາຍອາລົມ.
ສໍານັກງານທີ່ນະຄອນມົດສະກູ ປະເທດຣັດເຊຍ: ພາຍໃຕ້ອາກາດອັນໜາວເຢັນ ແລະ ມີໂຕະບານ ແລະ ໂຕະປີງປ່ອງໃຫ້ຫຼິ້ນພາຍໃນຫ້ອງໄມ້ອັນອົບອຸ່ນ.
ສໍານັກງານທີ່ເວນິສບີຊ ກາລິຟໍເນຍ ສະຫະລັດອະເມລິກາ: ໄດ້ຮັບການອອກແບບໂດຍສະຖາປານິກຊື່ Frank Gehry ເຊິ່ງໄດ້ຈັບເຄື່ອງເກມອາເຂດຍ້ອນຍຸກໃຫ້ພະນັກງານໄດ້ຫຼິ້ນ ອີກທັງຍັງອອກແບບປະຕູເຂົ້າໃຫ້ເບິ່ງຄືກ້ອງສ່ອງທາງໄກຂະໜາດໃຫຍ່.
ສໍານັກງານຢູ່ໂຕຣອນໂຕ ປະເທດການາດາ: ມີສະໜາມກ໊ອບຂະໜາດນ້ອຍໃຫ້ຫຼິ້ນຢູ່ເທິງຫຼັງຄາສໍານັກງານ ແລະ ລົງມາລຸ່ມກໍມີຫ້ອງດົນຕີ ເຊິ່ງມີເຄື່ອງຫຼິ້ນແຜ່ນສຽງໃຫ້ນັ່ງຟັງ.
ສໍານັກງານຢູ່ມູນທຽນ ວິວ ກາລິຟໍເນຍ ສະຫະລັດອະເມລິກາ: ໄດ້ຊື່ວ່າເປັນ Googleplex ທີ່ຄົບວົງຈອນ ມີທັງສະໜາມກິລາຊາຍຫາດ, ບ່ອນນອນຕອນເວັນຮູບມົນ ເຊິ່ງປ້ອງກັນແສງ ແລະ ມີສະລອຍນໍ້າ.
ສໍານັກງານໃຫຍ່ຢູ່ນະຄອນນິວຢອກ ສະຫະລັດອະເມລິກາ: ເນື່ອງຈາກວ່າສໍານັກງານນີ້ມີພື້ນທີ່ກວ້າງຂວາງຫຼາຍ ເຮັດໃຫ້ມີສະກູດເຕີໃຫ້ພະນັກງານໃຊ້ໃນການເດີນທາງ.
ສໍານັກງານໃຫຍ່ຢູ່ອອນແທຣີໂອ ປະເທດການາດາ: ມີກໍາແພງໜ້າຜາຈໍາລອງໃຫ້ພະນັກງານໄດ້ປີນ ຈາກນັ້ນກໍພັກຜ່ອນຢູ່ຫ້ອງນັ່ງຫຼິ້ນທີ່ມີໜັງສືກັບເຕົາຜີງອຸ່ນໆ ແລະ ມີຫ້ອງນອນທາງຫຼັງຫ້ອງໜັງສື.
