ຈີນ, ອີຣານ ແລະ ເກົາຫຼີເໜືອ ຊອກຫາຜູ້ສະໜັບສະໜູນຢູ່ໃນ ສະຫະປະຊາຊາດ

ສຳນັກຂ່າວ ຣອຍເຕີ ລາຍງານ ວັນທີ 12 ມີນານີ້ວ່າ ຈີນ, ອີຣານ,ເກົາຫຼີເໜືອ ແລະ ລັດເຊຍ ພ້ອມກັບປະເທດອື່ນໆ ຈຳນວນໜຶ່ງອີກ ກຳລັງຊອກຫາຜູ້ສະໜັບສະໜູນ ໃຫ້ກັບພັນທະມິດໃດໜຶ່ງ ເພື່ອປົກປ້ອງກົດບັດສະຫະປະຊາຊາດ ດ້ວຍວິທີການຕີຖອຍການນຳໃຊ້ ຫຼື ຂົ່ມຂູ່ທາງກຳລັງ ແລະ ລົງໂທດໂດຍຝ່າຍດຽວຕາມລຳພັງ.

ສຳນັກຂ່າວ ຣອຍເຕີ ໃຫ້ຮູ້ວ່າ ທ່າທີດັ່ງກ່າວມີຂຶ້ນ ພາຍຫຼັງ ປະທານາທິບໍດີ ໂຈໄບເດັນ ໃຫ້ຄຳໝັ້ນສັນຍາຕໍ່ຫຼາຍຝ່າຍ ແລະ ຕໍ່ກັບພັນທະມິດຂອງຕົນວ່າ ຈະພິກປິ້ນການລົງໂທດໂດຍລຳພັງແຕ່ຝ່າຍດຽວຂອງ ອະດີດປະທານາທິບໍດີ ໂດນັລທຣຳ ທີ່ເຄີຍປະຕິບັດຜ່ານມາ.

ເຖິງຢ່າງໃດກໍດີ, ໄບເດັນຍັງໃຫ້ຄຳໝັ້ນສັນຍາວ່າ ຍັງຈະແຂງກ້າວຕໍ່ກັບຈີນຢູ່ໃນສະຫະປະຊາຊາດຕໍ່ໄປ, ຊຶ່ງເປັນເວທີທີ່ປັກກິງກຳລັງສົ່ງອີດທິພົນຂອງຕົນຕໍ່ກັບໂລກ ຊຶ່ງເປັນການທ້າທາຍຕໍ່ບົດບາດຂອງສະຫະລັດ.

ຣອຍເຕີ ໃຫ້ຮູ້ເພີ່ມເຕີມວ່າ ກຸ່ມສ້າງຕັ້ງແນວຄວາມຄິດທີ່ວ່າ “ກຸ່ມເພື່ອນ ປົກປ້ອງກົດບັດສະຫະປະຊາຊາດ” ໃຫ້ຄວາມໝາຍ ຫຼາຍຝ່າຍ ນັ້ນວ່າ “ຂະນະນີ້ ກຳລັງຖືກໂຈມຕີ ທີ່ໄຮ້ເງິນຄຳ, ຈາກນັ້ນກໍຂົ່ມຂູ່ສັນຕິພາບ ແລະ ຄວາມໝັ້ນຄົງໃນທົ່ວໂລກ”.

ສະມາຊິກຂອງກຸ່ມທີ່ສ້າງຂຶ້ນໃໝ່ນັ້ນລວມມີ: Algeria, Angola, Belarus, Bolivia, Campuchia, Cuba, Eritrea, Laos, Nicaragua, Saint Vincent, Grenadines, Syria ແລະ Venezuela.

ກຸ່ມດັ່ງກ່າວກ່າວວ່າ “ໂລກກຳລັງພິສູດໃຫ້ເຫັນວ່າ ລັດທິ ອ້າຍດຽວ ກຳລັງເພີ່ມທະວີຫຼາຍຂຶ້ນ ຊຶ່ງເປັນລັດທິເອກະເທດ ແລະ ກໍ່າກື້, ໃນນັ້ນການນຳໃຊ້ວິທີແບບບັງຄັບ ຈາກຝ່າຍດຽວ ຫຼື ຖອນຕົວອອກຈາກຂໍ້ຕົກລົງ ມີລັກສະນະກະໂດດ ແລະ ສະຖາບັນພະຫຸພາຄີ ກໍຄືແນວຄວາມຄິດທຳລາຍຄວາມພະຍາຍາມທີ່ສຳຄັນ ເພື່ອແນໃສ່ແກ້ໄຂບັນດາບັນຫາສິ່ງທ້າທາຍກວມລວມໃນທົ່ວໂລກນັບມື້ແພ່ອິດທິພົນ ”.

ໃນສະໃໝ ປະທານາທິບໍດີ ສະຫະລັດ ໂດນັລທຣຳ , ວໍຊິງຕັນໄດ້ປະກາດຖອນຕົວອອກຈາກ ອົງການອະນາໄມໂລກ, ສະພາມະນຸດສະທຳ, ອົງການວັດທະນະທຳ ສະຫະປະຊາຊາດ(UNESCO), ສົນທິສັນຍາວ່າດ້ວຍການປ່ຽນແປງດິນຟ້າອາກາດໂລກ ແລະ ຂໍ້ຕົກລົງ ນິວເຄຣຍ ຂອງອີຣານ…

ພາຍຫຼັງ ເຂົ້າຮັບຕຳແໜ່ງ ປະທານາທິບໍດີ ໂຈໄບເດັນ ໄດ້ໃຫ້ຄຳໝັ້ນສັນຍາ ວ່າຈະນຳເອົາສະຫະລັດ ກັບຄືນເຂົ້າສູ່ບັນດາອົງການຈັດຕັ້ງເຫຼົ່ານັ້ນຄືນໃໝ່.