ຫວຽດນາມເປີດສາຍການບິນ ໄປຮັບເອົາພົນລະເມືອງຕົກຄ້າງຢູ່ມຽນມາກັບຄືນປະເທດ

ລາຍງານຕ່າງປະເທດ ຈາກຮ່າໂນ້ຍ ວັນທີ 4 ມີນານີ້ ໃຫ້ຮູ້ວ່າ ຕອນເຊົ້າ ແລະ ຕອນບ່າຍຂອງວັນນີ້(4 ມີນາ) ຫວຽດນາມຈະເປີດສາຍການບິນ 2 ຖ້ຽວໄປຮັບເອົາພົນລະເມືອຂອງຕົນທີ່ຕົກຄ້າງຢູ່ ມຽນມາ ກັບຄືນປະເທດ. ໂດຍຖ້ຽວບິນທຳອິດແມ່ນ Vietnam Airlines ຈະອອກເດີນທາງຈາກສະໜາມບິນສາກົນ ໂນຍບາຍ ຮ່າໂນ້ຍ ໃນເວລາ 9 ໂມງເຊົ້າມື້ນີ້ ເພື່ອຮັບເອົາພົນລະເມືອງຈຳນວນ 195 ຄົນກັບຄືນປະເທດ ໂດຍຈະລົງຈອດໃນສະໜາມບິນ ດານັງ ໃນເວລາ 15:10 ນາທີ ຂອງວັນນີ້ ແລະ ຖ້ຽວທີ 2 ຈະອອກເດີນທາງເວລາ 10 ໂມງ ຈາກສະໜາມບິນໂນຍບາຍ ເຊັ່ນດຽວກັນ ຈະຮັບເອົາປະຊາຊົນຈຳນວນ 195 ຄົນກັບຄືນປະເທດ ໂດຍຈະລົງຈອດທີ່ສະໜາມບິນ ດານັງ ໃນເວລາ 16:10 ນາທີໃນວັນດຽວກັນ.