ຫວຽດນາມ ມີຄົນຮັ່ງທີ່ສຸດໃນປະເທດ 390 ຄົນ
ສຳນັກຂ່າວເສດຖະກິດຂອງຫວຽດນາມ ລາຍງານເມື່ອວັນທີ 4 ມີນານີ້ ໃຫ້ຮູ້ວ່າ, ເມື່ອເຖິງປີ 2025 ຈຳນວນພວກຄົນຮັ່ງທີ່ສຸດຂອງຫວຽດນາມຈະເພີ່ມຂຶ້ນ 31% ຕິດໜຶ່ງໃນ 10 ປະເທດທີ່ມີຄົນຮັ່ງທີ່ສຸດໃນໂລກ, ຜູ້ຄອບຄອງຊັບສົມບັດມູນຄ່າ 30 ລ້ານໂດລາຂຶ້ນເມືອໃນຫວຽດນາມມີເຖິງ 511 ຄົນ.
ໃນບົດລາຍງານຂອງບໍລິສັດ Knight Frank ຊຶ່ງເປັນບໍລີສັດໃຫ້ຄຳປຶກສາ ແລະ ບໍລິການອະສັງຫາລີມະຊັບ ແຖວໜ້າຂອງໂລດ ປະກາດເມື່ອວັນທີ 2 ມີນານີ້ວ່າ, ໃນປີ 2020 ຜ່ານມາ ຫວຽດນາມມີຄົນຮັ່ງທີ່ສຸດທົ່ວປະເທດ 390 ຄົນ, ຊຶ່ງຄອບຄອງ ຊັບສົມບັດໃນມູນຄ່າ 30 ລ້ານໂດລາຂຶ້ນເມືອ, ໜ້ອຍກວ່າ 15 ຄົນເມື່ອທຽບໃສ່ປີຜ່ານມາ.
ຜູ້ຄອບຄອງ ມູນຄ່າຊັບສົມບັດແຕ່ 1 ລ້ານໂດລາຂຶ້ນເມືອໃນຫວຽດນາມ ແມ່ນຫຼຸດລົງຈາກ 20.645 ຄົນ ມາເປັນ 19.500 ຄົນ ເທົ່າກັບ 6%.
ຢ່າງໃດກໍຕາມ, ບໍລິສັດດັ່ງກ່າວຄາດຄະເນວ່າໃນ 5 ປີຕໍ່ໜ້າ ຄົນຮັ່ງໃນຫວຽດນາມຈະເພີ່ມຂຶ້ນໄວທີ່ສຸດຂອງໂລກ ກວມ 31%. ເມື່ອຮອດປີ 2025 ຄາດວ່າຄົນຮັ່ງໃນຫວຽດນາມຈະຢູ່ທີ່ 511 ຄົນ ທີ່ຄອບຄອງຊັບສົມບັດມູນຄ່າແຕ່ 30 ລ້ານໂດລາຂື້ນເມືອ ແລະ ຜູ້ທີ່ມີ 1 ລ້ານໂດລາມີເຖິງ 25.800 ຄົນ.
