ອົງການການຄ້າໂລກຮຽກຮ້ອງແບ່ງປັນ ວັກຊີນ ໃຫ້ກັບບັນດາປະເທດ ກຳລັງພັດທະນາ

ຂ່າວຕ່າງປະເທດ ຈາກ Worldometers, ວັນທີ 2 ມີນານີ້ ລາຍງານວ່າ ທ່ານ Ngozi Okonjo-Iweala ຜູ້ອຳນວນການໃຫ່ຍຂອງອົງການການຄ້າໂລກ(WTO) , ເມື່ອວັນທີ 1 ມີນານີ້ ໃຫ້ຮູ້ວ່າ ບັນດາສະມາຊິກໃນອົງການຈັດຕັ້ງດັ່ງກ່າວຄວນໃຫ້ການຮ່ວມມືກັບບັນດາບໍລິສັດຕ່າງໆ ເພື່ອຂະຫຍາຍພື້ນຖານການຜະລິດວັກຊີນຕ້ານໂຄວິດ-19 ເພີ່ມເຕີມຢູ່ໃນບັນດາປະເທດທີ່ກຳລັງພັດທະນາ.

ທ່ານນາງ  Ngozi Okonjo-Iweala ກ່າວໃນກອງປະຊຸມ 164 ປະເທດສະມາຊິກຂອງອົງການການຄ້າໂລກວ່າ: “ປະຊາຊົນໃນປະເທດທຸກຍາກກຳລັງຕາຍໄປນັບມື້. ພວກເຮົາຕ້ອງເອົາໃຈໃສ່ຮ່ວມມືກັບບັນດາບໍລິສັດຕ່າງໆ ເພື່ອຂະຫຍາຍ ແລະ ອອກໃບອະນຸມັດສະຖານທີ່ຜະລິດວັກຊີນຕ້ານໂຄວິດໍ-19 ທີ່ເໝາະສົມດີຢູ່ໃນຕະຫຼາດໃໝ່ຂອງບັນດາປະເທດທີ່ກຳລັງພັດທະນາ”.