ຍົກລະດັບຄວາມຮູ້ດ້ານກົດໝາຍໃຫ້ພະນັກງານແຂວງສະຫວັນນະເຂດ

ຊຸດບຳລຸງຍົກລະດັບວຽກ ງານກົດໝາຍໄລຍະສັ້ນ 45 ວັນ ໃຫ້ແກ່ພະນັກງານຫລັກແຫລ່ງ ຂັ້ນແຂວງ ແລະ ເມືອງໄກສອນ ພົມວິຫານ, ແຂວງສະຫວັນນະ ເຂດ ຊຸດທີ V ສົກປີ 2017 ໄດ້ໄຂ ຂຶ້ນໃນວັນທີ 10 ກໍລະກົດນີ້ທີ່ພະ ແນກຍຸຕິທຳແຂວງ, ໂດຍການ ເຂົ້າຮ່ວມຂອງທ່ານ ໂພໄຊ ໄຊຍະ ສອນ ຮອງເຈົ້າແຂວງສະຫວັນ ນະເຂດ, ມີຕາງໜ້າຈາກສະພາ ປະຊາຊົນແຂວງ, ພະແນກການ, ກົມກອງ, ຂະແໜງການ, ຫ້ອງ ການກ່ຽວຂ້ອງຕ່າງໆເຂົ້າຮ່ວມຫລາຍກວ່າ 40 ທ່ານ.

+ ຍົກລະດັບຄວາມຮູ້ການຕ້ານອາຊະຍາກຳທີ່ມີການຈັດຕັ້ງ ແລະ ການຟອກເງິນໃຫ້ພະນັກງານປະຕິບັດກົດໝາຍ

+ ກະຊວງແຮງງານເຜີຍແຜ່ດຳລັດວ່າດ້ວຍການແຈ້ງຊັບສິນຂອງພະນັກງານ

+ ເຈົ້າແຂວງສະຫວັນນະເຂດລົງຕິດຕາມໂຄງການ ລຶບລ້າງຄວາມທຸກຍາກບ້ານຄຳປ່າແໜ ແລະ ບ້ານປ່າກ້ວຍເມືອງຈຳພອນ

ທ່ານຫົວໜ້າພະແນກຍຸຕິ ທຳແຂວງກ່າວວ່າ: ການຍົກລະ ດັບວຽກງານດັ່ງກ່າວແມ່ນການ ຈັດຕັ້ງຜັນຂະຫຍາຍມະຕິ, ຄຳ ສັ່ງຂອງພັກ ແລະ ລັດຖະບານ ເຂົ້າສູ່ລວງເລິກຕາມທິດ ທາງ, ເປົ້າໝາຍ ແລະ ມາດຕະການທີ່ ກຳນົດໄວ້ໃນມະຕິ 25/ກມສພ ແລະ ຄຳສັ່ງເລກທີ 34/ນຍ ກໍຄື ຄຳແນະນຳຂອງລັດຖະມົນຕີ ກະຊວງຍຸຕິທຳສະບັບເລກທີ 1123/ກຍ, ເຊິ່ງເປັນໂຄງ ການ ຫລັກສູດຂອງກະຊວງຍຸຕິທຳ ທີ່ໄດ້ລວມເອົາບັນດາທິດສະດີ, ລັດຖະທຳມະນູນ ແລະ ກົດໝາຍ ໃນການຄຸ້ມຄອງລັດ, ຄຸ້ມຄອງ ເສດຖະກິດ, ວັດທະນະທຳ- ສັງ ຄົມ, ທີ່ຖືກຕ້ອງແທດ ເໝາະ, ກົມ ກຽວກັນທີ່ພັກ ແລະ ລັດຖະບານ ໄດ້ກຳນົດອອກແຕ່ລະໄລຍະ, ເຊິ່ງ ແມ່ນນິຕິກໍາອັນ ພື້ນຖານສໍາຄັນ ໃຫ້ແກ່ການສ້າງລັດທີ່ປົກຄອງ ດ້ວຍກົດໝາຍ, ໂດຍປະຊາຊົນ ແລະ ເພື່ອຜົນປະໂຫຍດຂອງ ປະຊາຊົນທີ່ກຳນົດໄວ້ໃນມະຕິ ກອງປະຊຸມໃຫຍ່ຄັ້ງທີ X ຂອງ ພັກ, ແຜນແມ່ບົດຍຸດທະສາດ ຂອງລັດກ່ຽວກັບການສ້າງລັດ ແຫ່ງກົດໝາຍແຕ່ນີ້ຮອດ 2020, ທັງນີ້ກໍເປັນການພັດທະນາຊັບ ພະຍາກອນມະນຸດເພື່ອຮັບໃຊ້ ແກ່ວຽກງານສ້າງແຂວງເປັນຫົວ ໜ່ວຍຍຸດທະສາດ, ສ້າງເມືອງ ເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍ ພັດທະນາ.
ຊຸດອົບຮົມດັ່ງກ່າວ ຈະດໍາ ເນີນໄປຮອດວັນທີ 15 ກັນຍານີ້ ຈິ່ງຈະປິດລົງ.