ທຣຳ ປະຕິເສດຂ່າວລື ຕັ້ງພັກການເມືອງໃໝ່ ແຕ່ແຍ້ມ ຈະລົງຊີງເກົ້າອີ້ ປະທານາທິບໍດີ ອີກສະໃໝ ປີ 2024
ອະດີດປະທານາທິບໍດີ ໂດນັລທຣຳ ເມື່ອວັນທີ 28 ກຸມພາ ປະຕິເສດຂ່າວລື ການຕັ້ງພັກການເມືອງໃໝ່ ແຕ່ແຍ້ມເຖິງຄວາມເປັນໄປໄດ້ ທີ່ຈະລົງຊີງເກົ້າອີ້ ປະທານາທິບໍດີອີກສະໃໝໃນປີ 2024 ພ້ອມກັນນັ້ນ ຍັງກ່າວໂຈມຕີ ແລະ ຕອກຢໍ້າຄຳກ່າວຫາວ່າ ຖືກໂກງໄຊຊະນະໃນການເລືອກຕັ້ງປີ 2020.
ນອກຈາກປະຕິເສດຍອມຮັບການພ່າຍແພ້ໃຫ້ກັບ ໄບເດັນແລ້ວ ທຣຳ ຍັງໃຊ້ໂອກາດນີ້ ວິຈານການເຮັດວຽກໃນອາທິດທຳອິດຂອງ ໂຈໄບເດັນ ແລະ ບົ່ງຊີ້ວ່າ ເຂົາອາດຈະລົງຊີງຕຳແໜ່ງອີກສະໃໝ. ທຣຳກ່າວຫຼັງວິພາກວິຈານແນວທາງການຮັບມືກັບປະເດັນຄວາມໝັ້ນຄົງຕາມແນວຊາຍແດນຂອງ ໄບເດັນວ່າ “ພວກເຂົາຫາກໍປະລາໄຊ”.
ອາທິດທ້າຍແຫ່ງການດຳລົງຕຳແໜ່ງຂອງ ທຣຳ ເຕັມໄປດ້ວຍຄວາມຫຍຸ້ເຫຍືອງ ໃນນັ້ນລວມທັງເຫດການ ບັນດາຜູ້ສະໜັບສະໜູນຂອງເຂົາໂຈມຕີອາຄານລັດຖະສະພາໃນເມື່ອວັນທີ 6 ມັງກອນ ຊຶ່ງຈົນນຳມາການເສຍເລືອເສຍເນື້ອໃນຄວາມພະຍາຍາມຂັດຂວາງບໍ່ໃຫ້ສະພາຄອງເກດ ຮັບຮອງໄຊຊະນະການເລືອກຕັ້ງປະທານາທິບໍດີຂອງ ໂຈໄບເດັນ ໄຊຊະນະທີ່ ທຣຳ ອ້າງມາຕະຫຼອດວ່າ ເປິະເປື້ອນໄປດ້ວຍການໂກງຢ່າງມະຫາສານ.
