ສ.ເກົາຫລີ ຂະຫຍາຍເວລາຮັກສາໄລຍະຫ່າງທາງສັງຄົມສູງສຸດລະດັບ 3 ອີກ ຈົນຮອດ 14 ມີນາ
ວັນທີ 26 ກຸມພາ 2021, ສຳນັກງານໃຫຍ່ດ້ານມາດຕະການຮັບມືໄພພິບັດ ແລະ ຄວາມປອດໄພສູນກາງ (CDSCH) ຂອງ ສ.ເກົາຫລີ ປະກາດຂະຫຍາຍໄລຍະເວລາບັງຄັບໃຊ້ກົດການຮັກສາໄລຍະຫ່າງທາງສັງຄົມໃນເຂດມະຫານະຄອນເຊອຸນ ສູງສຸດລະດັບ 3 ຈາກທັງໝົດ 5 ລະດັບ ຕໍ່ອີກ 2 ອາທິດ ຈົນຮອດວັນທີ 14 ມີນານີ້.
ສະຖານທີ່ທີ່ມີຄົນໜາແໜ້ນເຊັ່ນ: ຄາເຟ່, ຮ້ານອາຫານ ແລະ ສູນອອກກຳລັງກາຍໃນນະຄອນຫລວງເຊອຸນ ແລະ ແຂວງຍອງກີສາມາດເປີດໃຫ້ບໍລິການຈົນຮອດເວລາ 22:00 ໂມງ ຕາມເວລາທ້ອງຖິ່ນ ພ້ອມຍົກເລີກຂໍ້ຈຳກັດຂອງໂຮງຮູບເງົາ, ຮ້ານອິນເຕີເນັດ, ຫ້ອງໜັງສື, ສວນເຄື່ອງຫລິ້ນ, ຮ້ານເສີມສວຍ ແລະ ຮ້ານສິນຄ້າຫລຸດລາຄາ.
ສຳລັບພື້ນທີ່ນອກເຂດມະຫານະຄອນ, ສ.ເກົາຫລີ ຍັງບັງຄັບໃຊ້ມາດຕະການຮັກສາໄລຍະຫ່າງທາງສັງຄົມໃນລະດັບ 1,5 ຕໍ່ອີກ 2 ອາທິດ ໂດຍບໍ່ອະນຸຍາດໃຫ້ມີການລວມຕົວ 5 ຄົນຂຶ້ນໄປ ທັງຢູ່ນະຄອນຫລວງເຊອຸນ ແລະ ພາກພື້ນທີ່ບໍ່ແມ່ນເຂດມະຫານະຄອນ ຍົກເວັ້ນກຸ່ມຄົນທີ່ເປັນຄອບຄົວດຽວກັນເທົ່ານັ້ນ, ສະຖານບັນເທີງກຸ່ມສ່ຽງ 6 ປະເພດ ລວມທັງຜັບ ສາມາດເປີດໃຫ້ບໍລິການທົ່ວປະເທດຈົນຮອດເວລາ 22:00 ໂມງເທົ່ານັ້ນ.
