ຊະໄວສະໄຕເກີ ບອກລາ ແມນເຊສເຕີ ຢູໄນເຕັດ ຍ້າຍໄປສະຫະລັດ ແລ້ວ

ບາສຕຽນ ຊະໄວສະໄຕເກີ ອະດີດກອງກາງທີມຊາດ ເຢຍລະມັນ ເຊັນສັນຍາຍ້າຍຈາກ ແມນເຊສເຕີ ຢູໄນເຕັດ ໄປຮ່ວມທີມ ຊິຄາໂກໄຟ ໃນເມເຈີລີກ ຂອງ ສະຫະລັດ ເປັນທີ່ຮຽບຮ້ອຍ ແລ້ວ ໂດຍບໍ່ມີການເປີດເຜີຍເລື່ອ ຄ່າຈ້າງ ແຕ່ “ຊິຄາໂກ ທຣີບູນ” ລະບຸວ່າ ຊະໄວສະໄຕເກີ ຈະໄດ້ ຮັບຄ່າຈ້າງ 70,000 ປອນຕໍ່ອາ ທິດຕະຫຼອດສັນຍາ 1 ປີ ເຮັດໃຫ້ ລາວເປັນໜຶ່ງໃນນັກເຕະທີ່ຮັບຄ່າຈ້າງຫຼາຍທີ່ສຸດຂອງລີກ.

ກອງກາງອາຍຸ 32 ປີ ໄດ້ ໂອກາດລົງຫລິ້ນຢ່າງຈຳກັດນັບແຕ່ການມາຂອງ ໂຮເຊ ມູຣິນໂຢ ລາວຖືກສົ່ງລົງສະໜາມພຽງ 4 ນັດ ໃນລະດູການນີ້, ເນລສັນ ໂຣດຣິເກດ ຜູ້ຈັດການທີມທົ່ວໄປ ຂອງ ຊິຄາໂກ ເຜີຍວ່າ: ເຮົາໄດ້ ນັກເຕະທີ່ຄວ້າແຊ໊ມມາທຸກລະດັບ ລວມເຖິງລະດັບສູງສຸດ ເຮົາເອງ ເປັນສະໂມສອນທີ່ຕ້ອງການມີ ມາດຕະຖານສູງຂຶ້ນ ກ່ອນໜ້ານີ້ ເຮົາອາດພໍໃຈກັບການເປັນທີ່ຮູ້ ຈັກໃນປະເທດ ແຕ່ຈາກນີ້ເຮົາ ຕ້ອງການເປັນທີ່ຮັບຮູ້ຫຼາຍຂຶ້ນໃນລະດັບນາໆຊາດ.

ດ້ານ ຊະໄວສະໄຕເກີ  ກ່າວວ່າ: “ຕະຫຼອດການເປັນນັກເຕະອາຊີບ ຂ້ອຍຊອກຫາໂອກາດຢູ່ສະເໝີ ແລະ ຕ້ອງການເຮັດບາງສິ່ງທີ່ດີເດັ່ນ ການຍ້າຍໄປ ຊິຄາ ໂກ ກໍບໍ່ຕ່າງກັນ ຂ້ອຍເຊື່ອໃນວິໄສທັດ ແລະ ປັດສະຍາຂອງທີມ”.