ສະຫະລັດອາເມລິກາ ມີທູດຄົນໃໝ່ ປະຈຳຢູ່ ສະຫະປະຊາຊາດ

ສຳນັກຂ່າວ ຣອຍເຕີ ລາຍງານເມື່ອວັນທີ 24 ກຸມພານີ້ ໃຫ້ຮູ້ວ່າ ວຸດທິສະຖາຂອງສະຫະລັດ ເມື່ອວັນທີ 23 ກຸມພາ ໄດ້ລົງຄະແນນສຽງຮັບຮອງເອົານັກການທູດອາວຸໂສທ່ານ ນາງ Linda Thomas-Greenfield ຊຶ່ງເປັນຜູ້ທີ່ ປະທານາທິບໍດີ ໂຈໄບເດັນສະເໜີຂຶ້ນມາ ໃຫ້ເປັນເອກອັກຄະລັດຖະທູດຂອງສະຫະລັດ ປະຈຳຢູ່ສະຫະປະຊາຊາດ. ຊຶ່ງ 78 ສຽງແມ່ນເຫັນດີ ແລະ ມີ 22 ສຽງຄັດຄ້ານ. 22 ສຽງຄັດຄ້ານລ້ວນແຕ່ແມ່ນມາຈາກ ສະມາຊິກວຸດທິສະພາຂອງພັກ ຣີພັບຣີກັນ.

ທ່ານ ນາງ Linda Thomas-Greenfield, ອາຍຸ 68 ປີ, ມີປະສົບການຢູ່ໃນຂະແໜງການທູດຂອງສະຫະລັດເຖິງ 35 ປີ ແລະ ໄດ້ໄປປະຈຳການຢູ່ 4 ທະວີຍ ແຕ່ຢູ່ຫຼາຍກວ່າໝູ່ແມ່ນຢູ່ທະວີບ ແອຟຣິກກາ.