ລັດຖະບານ ໄບເດັນ ປະກາດ ຮ່າງກົດໝາຍ ເຂົ້າເມືອງ ສະບັບໃໝ່

ສຳນັກຂ່າວຕ່າງປະເທດ ລາຍງານ ວັນທີ 18 ກຸມພານີ້ ໃຫ້ຮູ້ວ່າ ລັດຖະບານຂອງ ໂຈໄບເດັນ ໄດ້ປະກາດຮ່າງກົດໝານ ເຂົ້າເມືອງ ສະບັບປີ 2021, ໃນນັ້ນ ໄດ້ກຳນົດຂະບວນການພິຈາລະນາການເປັນພົນເມືອງຂອງສະຫະລັດ ຈາກ 13 ປີ ລົງມາເປັນ 8 ປີ ຕໍ່ຜູ້ທີ່ໄດ້ເຂົ້າມາຢູ່ໃນສະຫະລັດແລ້ວ ແລະ ຕໍ່ຜູ້ທີ່ເຂົ້າມາໃນສະຫະລັດ ແຕ່ຍັງນ້ອຍ ໂດຍບໍ່ມີເອກະສານຢັ້ງຢືນໃດໆ.

ຮ່າງກົດໝາຍສະບັບດັ່ງກ່າວມີຊື່ເອີ້ນວ່າ “ກົດໝາຍໃຫ້ສັນຊາດ ອາເມລິກາປີ 2021” ຊຶ່ງລວມມີເນື້ອໃນທີ່ເປັນໜ້າສົນໃຈເຊັ່ນ: ຂະບວນການພິຈາລະນາໃຫ້ສັນຊາດ ອາເມລິກາ ຈາກ 13 ປີ ລົງມາເປັນ 8 ປີ. ເມື່ອເຂົ້າມາໃນສະຫະລັດ ແຕ່ຍັງນ້ອຍ ບໍ່ມີເອກະສານໃດໆ , ຫຼື ກໍລະນີທີ່ໄດ້ຮັບການຊ່ວຍເຫຼືອມະນຸດສະທຳ ແລະ ຊາວຜູ້ອອກແຮງງານໃນຂົງເຂດ ກະສິກຳ, ຈຳພວກຄົນເຫຼົ່ານີ້ ອາດຈະໄດ້ຮັບບັດຂຽວໄດ້ເລີຍ ຖ້າຫາກຄົບເງື່ອນໄຂ, ໝາຍຄວາມວ່າ ຕໍ່ຜູ້ທີ່ດຳລົງຊີວິດຢູ່ໃນສະຫະລັດກ່ອນວັນທີ 1 ມັງກອນ 2021.