ຍິງປືນກວາດໃສ່ຝຸງຊົນ ຫຼາຍຄົນບາດເຈັບ

ສຳນັກຂ່າວ ເອພີ ລາຍງານຕອນເຊົ້າມື້ນີ້ ທີ 16 ກຸມພາວ່າ: ເຈົ້າໜ້າທີ່ຕຳຫຼວດເມືອງ Philadelphia ຂອງສະຫະລັດ ໃຫ້ຮູ້ວ່າ ມີຢ່າງໜ້ອຍ 8 ຄົນໄດ້ຮັບບາດເຈັບໃນເຫດການຍິງປືນກວາດໃສ່ຝຸງທີ່ກຳລັງລໍຖ້າຂຶ້ນລົດເມຊົນໃນວັນທີ 17 ກຸມພາຜ່ານມາ.

ເຈົ້າໜ້າທີ່ຕຳຫຼວດກ່າວວ່າ: “ພວກເຮົາໄດ້ຈັບຜູ້ສົງໄສຄົນໜຶ່ງໄວ້ໄດ້ ພ້ອມກັບອາວຸດປືນ, ແຕ່ບໍ່ທັນຮູ້ວ່າ ປືນສອງກະບອກນັ້ນ ແມ່ນປືນທີ່ນຳໃຊ້ເຂົ້າໃນການກໍ່ເຫດ ຫຼື ບໍ່. ພວກເຮົາຈັບໄດ້ຜູ້ຕ້ອງສົງໄສທັນທີ ຈາກໜ່ວຍລາດຕະເວນ ທີ່ຢູ່ໃກ້ບ່ອນເກີດເຫດການ”.

ຂະນະນີ້ ເຈົ້າໜ້າທີ່ກຳລັງສວບສວນສອບສວນ ຫາສາເຫດການກໍ່ເຫດຍິງປືນກວາດໃສ່ຝຸງຊົນໃນຄັ້ງນີ້ ເພື່ອດຳເນີນທາງກົດໝາຍຕໍ່ໄປ.