ຜູ້ຕິດເຊື້ອໂຄວິດ-19 ທົ່ວໂລກຫຼຸດລົງ 16%

ອີງຕາມການລາຍງານຈາກ ອົງການອະນາໄມໂລກ ວັນທີ 17 ກຸມພານີ້ ໃຫ້ຮູ້ວ່າ: ຜູ້ຕິດເຊື້ອໂຄວິດ-19 ທົ່ວໂລກຫຼຸດລົງ 16%, ນັບຕັ້ງແຕ່ວັນທີ 8 ຫາ ວັນທີ 14 ກຸມພານີ້ ມີຜູ້ຕິດເຊື້ອພຽງ 2,7 ລ້ານຄົນເທົ່ານັ້ນ.

ຈຳນວນຜູ້ເສຍຊີວິດ ຫຼຸດລົງ 10%  ໝາຍຄວາມວ່າຫຼຸດລົງ 81.000 ຄົນ. 5 ໃນ 6 ເຂດແຄວ້ນ ທີ່ມີຜູ້ຕິດເຊື້ອໃໝ່ກໍຫຼຸດລົງເຊັ່ນດຽວກັນ, ມີພຽງແຕ່ເຂດ ທະເລເມດີເຕີເຣນຽມຕາເວັນອອກ ເທົ່ານັ້ນເພີ່ມຂຶ້ນ 7%. ໃນນັ້ນ ແອຟຣິກກາ ແລະ ທິດຕາເວັນຕົກຂອງ ທະເລປາຊີຟິກທີ່ຫຼຸດລົງ 20%, ເອີຣົບ 18%, ອາເມລິກາ 18% ແລະ ອາຊີຕາເວັນອອກ 13%.

ທ່ານ Tedros Adhanom Ghebreyesus, ຜູ້ອຳນວຍການໃຫ່ຍຂອງອົງການອະນາໄມໂລກ ລາຍງານເມື່ອວັນທີ 15 ກຸມພາວ່າ: ກໍລະນີຕິດເ9ືອໃໝ່ ໄດ້ຫຼຸດລົງ ໃນ 5 ອາທິດຕິດຕໍ່ກັນ, ຖືວ່າຫຼຸດລົງເກືອບເຄິ່ງໜຶ່ງ ເມື່ອທຽບໃສ່ໃນ 5 ລ້ານຄົນຕິດເຊື້ອໃນລະຫວ່າງ ອາທິດແຕ່ວັນທີ 4 ມັງກອນເປັນຕົ້ນມາ.