ເປັນຄັ້ງທຳອິດ ທີ່ຍີ່ປຸ່ນ ມີລັດຖະມົນຕີ “ຕ້ານຄວາມໂດດດ່ຽວປ່ຽວພອຍ”

ລາຍງານຂ່າວ ຕ່າງປະເທດ ວັນທີ 13 ກຸມພາ ໃຫ້ຮູ້ວ່າ: ນາຍົກລັດຖະມົນຕີ ຍີ່ປຸ່ນ ໄດ້ແຕ່ງຕັ້ງບົ່ງຕົວລັດຖະມົນຕີ ຮັບຜິດຊອບແກ້ໄຂສະພາບຄວາມໂດດດ່ຽວປ່ຽວພອຍ ຂອງຜູ້ທີ່ຖືກກັກກັນ ທີ່ນັບມື້ນັບຮ້າຍແຮງຈາກພະຍາດໂຄວິດ-19.

ນາຍົກລັດຖະມົນຕີ ໂຢຊີຮິ ສືງະ ຂອງຍີ່ປຸ່ນ ເວົ້າກັບລັດຖະມົນຕີຄົນໃໝ່ ເມື່ອວັນທີ 12 ກຸມພາວ່າ: “ພວກຜູ້ຍິງນັບມື້ໄດ້ຮັບຄວາມໂດດດ່ຽວຫຼາຍຂຶ້ນ ແລະ ການຂ້າຕົວຕາຍກໍເພີ່ມຂຶ້ນ. ຂ້າພະເຈົ້າຄິດວ່າທ່ານຈະຮັບຮູ້ບັນຫາດັ່ງກ່າວ ແລະ ຈະມີນະໂຍບາຍທີ່ຮອບດ້ານ ເພື່ອພວກເຂົາເຫຼົ່ານັ້ນ”.

ໃນຂະນະທີ່ ພະຍາດໂຄວິດ-19 ກຳລັງລຸກລາມບານປາຍຢ່າງໜັກໜ່ວງນັ້ນ, ລັດຖະບານໄດ້ຖືເປັນສຳຄັນໃນການຕ້ານຄວາມໂດດດ່ຽວປ່ຽວພອຍທີ່ຖືກກັກກັນ, ຊຶ່ງເຮັດໃຫ້ພວກເຂົາຕົກຢູ່ໃນສະພາບທີ່ທຸກຍາກ, ຫາ່ງເຫີນຈາກສັງຄົມ ແລະ ຂ້າຕົວຕາຍ ມັນໄດ້ກາຍເປັນໜ້າທີ່ຄວາມຮັບຜິດຊອບອັນຮີບດ່ວນ ຂອງລັດຖະບານ.

ເນື່ອງຈາກວ່າ ບັນຫາດັ່ງກ່າວມັນພົວພັນກັບຫຼາຍພາກສ່ວນ, ລັດຖະບານຈະ ຈຶ່ງແຕ່ງຕັ້ງບົ່ງຕົວ ລັດຖະມົນຕີໃນຄະນະລັດຖະບານເພີ່ມເຕີມ, ຊຶ່ງທ່ານ Sakamoto ຈະມີບົດບາດເປັນໃຈກາງໃນການຜັນຂະຫຍາຍຫົວຄິດປະດິດສ້າງ ແລະ ນະໂຍບາຍທີ່ເດັດຂາດໃຫ້ກັບປະຊາຊົນ ແລະ ວິທີການປ່ຽນປີ້ນສະຖານະການ ຂອງການກຳເນີດລູກນັບມື້ຫຼຸດລົງຂອງປະເທດ.