ຖືກຈັບແລ້ວ ! ຜູ້ຊາຍທີ່ຂູ່ຄາຕະກຳ ໂຈ ໄບເດັນ

ສຳນັກຂ່າວຕ່າງປະເທດ ວັນທີ 12 ກຸມພານີ້ ລາຍງານວ່າ: David Kyle Reeves, ອາຍຸ 27 ປີ ຢູ່ເມືອງ Gastonia, ລັດ Carolina ຖືກຈັບເມື່ອວັນທີ 5 ກຸມພາ ຈາກການຂູ່ເອົາຊີວິດຂອງປະທານາທິບໍດີ ໂຈໄບເດັນ.

ເຈົ້າໜ້າທີ່ໄອຍະການໄດ້ກ່າວໂທດເຂົາແຕ່ວັນທີ 28 ມັງກອນ ຫາ ວັນທີ 1 ກຸມພາ ເນື່ອງຈາກ Reeves ໄດ້ພະຍາຍາມຕິດຕໍ່ກັບສະຖານີໂທລະສັບຂອງທຳນຽບຂາວຫຼາຍຄັ້ງ ແລະ ໄດ້ຂູ່ຈະເອົາຊີວິດຂອງໂຈໄບເດັນ ພ້ອມກັບຫຼາຍຄົນຕື່ມອີກ. ເຂົາຂູ່ວ່າ: “ຈະຂ້າທຸກຄົນ” ແລະ ຈະຕັດຄໍຜູ້ທີ່ຮັບໂທລະສັບ.

ການຂົ່ມຂູ່ຈະມີໂທດຈຳຄຸກສູງສຸດ 5 ປີ ແລະ ປັບໃໝ 250.000 ໂດລາ.