ພຽງແຕ່ອອກກຳລັງກາຍ ກໍຊ່ວຍໃຫ້ທ່ານອາຍຸຍືນຂຶ້ນ 9 ປີ
ໃຜຢາກມີໃບໜ້າອ່ອນກ່ວາອາຍຸ ບໍ່ຕ້ອງໄປສີດໂບທັອກ-ສີດຟິລເລີໃຫ້ເປືອງເງິນ, ພຽງແຕ່ຫັນມາອອກກຳລັງກາຍໃຫ້ສະໝໍ່າສະເໝີ ຈະເຮັດໃຫ້ທ່ານນັ້ນສົມບູນທັງພາຍໃນ ແລະ ພາຍນອກໄດ້ ເພາະຜົນການສຶກສາໃໝ່ສຸດຈາກສະຖາບັນ Preventive Medicine ລາຍງານວ່າ : ຜູ້ທີ່ອອກກຳລັງກາຍຢ່າງສະໝໍ່າສະເໝີຈະເຮັດໃຫ້ຮູບຮ່າງທັງພາຍໃນ ແລະ ພາຍນອກນັ້ນເສື່ອມສະພາບຊ້າລົງເຖິງ 9 ປີ ເມື່ອປຽບທຽບກັບຜູ້ທີ່ບໍ່ເຄີຍອອກກຳລັງກາຍເລີຍ ເຊິ່ງນັ້ນໝາຍຄວາມວ່າຄົນທີ່ອອກກຳລັງກາຍຢູ່ເປັນປະຈຳຈະອ່ອນກ່ວາອາຍຸທີ່ເປັນຈິງນັ້ນເອງ.
ໂດຍຜົນການວິໄຈຂອງສະຖາບັນ Preventive Medicine ນັ້ນລະບຸວ່າ : ໄດ້ມີການສຶກສາຜູ້ໃຫຍ່ຈຳນວນ 6.000 ຄົນ ໃນຮອບ 2 – 3 ປີທີ່ຜ່ານມາ ໂດຍເຈາະກຸ່ມຜູ້ທີ່ອອກກຳລັງກາຍຢູ່ເປັນປະຈຳ ແລະ ຜູ້ທີ່ບໍ່ເຄີຍອອກກຳລັງກາຍເລີຍ. ຈາກນັ້ນ ທາງສະຖາບັນໄດ້ນຳເອົາ DNA ຂອງທັງສອງກຸ່ມມາກວດໃນຫ້ອງທົດລອງ ແລະ ພົບວ່າ ເທໂລເມຍ ອັນໄດ້ແກ່ : DNA ທີ່ຢູ່ທາງປາຍສຸດຂອງໂກຣໂມໂຊມ ເຮັດໜ້າທີ່ກຳນົດອາຍຸໄຂຂອງແຊນ ແລະ ເປັນໂຕກຳນົດອາຍຸໄຂຂອງຊີວິດມະນຸດ ເຊິ່ງຈາກການທົດລອງ ແລະ ກວດສອບພົບວ່າ : ຜູ້ທີ່ອອກກຳລັງກາຍຢູ່ເປັນປະຈຳນັ້ນຈະມີເທໂລເມຍ ທີ່ບົ່ງບອກອາຍຸໄຂທີ່ຍືນຍາວກ່ວາຄົນທີ່ບໍ່ເຄີຍອອກກຳລັງກາຍເລີຍ ແລະ ເມື່ອປຽບທຽບຄົນໃນໄວດຽວກັນຈະພົບວ່າ : ຜູ້ທີ່ອອກກຳລັງກາຍຢູ່ເປັນປະຈຳ DNA ເທໂລເມຍ ຈະມີອາຍຸຍືນຍາວກ່ວາຜູ້ທີ່ບໍ່ເຄີຍອອກກຳລັງກາຍເລີຍເຖິງ 9 ປີ ເຊິ່ງການອອກກຳລັງກາຍໃຫ້ເປັນປະຈຳນັ້ນຕ້ອງຢູ່ໃນໄລຍະເວລາ 30 – 40 ນາທີຕໍ່ມື້ ແລະ ເຮັດໃຫ້ໄດ້ຢ່າງໜ້ອຍຕິດຕໍ່ກັນ 3 ມື້ຕໍ່ອາທິດ.
