ລາວສົ່ງອອກບັນລຸ 468 ລ້ານໂດລາ ໃນເດືອນທັນວາ
ຕາມສູນຂໍ້ມູນຂ່າວສານທາງດ້ານການຄ້າຂອງ ສປປ ລາວ ໃຫ້ຮູ້ວ່າ: ຍອດມູນຄ່າການສົ່ງອອກຂອງລາວໃນເດືອນທັນວາ 2020 ບັນລຸໄດ້ປະມານ 468 ລ້ານໂດລາ. ສ່ວນການນຳເຂົ້າມີມູນຄ່າປະມານ 546 ລ້ານໂດລາສະຫະລັດ ແລະ ຂາດດຸນການຄ້າປະມານ 78 ລ້ານໂດລາສະຫະລັດ.
ສຳລັບສິນຄ້າສົ່ງອອກຫລັກປະກອບມີ: ແຮ່ທອງ 54 ລ້ານໂດລາສະຫະລັດ, ຄຳປະສົມ (ຄຳແທ່ງ) 45 ລ້ານໂດລາສະຫະລັດ, ມັນຕົ້ນ 41 ລ້ານໂດລາສະຫະລັດ, ຢາງພາລາ 37 ລ້ານໂດລາສະຫະລັດ, ເຫຍື່ອໄມ້ ແລະ ເສດເຈ້ຍ 28 ລ້ານໂດລາສະຫະລັດ, ໝາກກ້ວຍ 24 ລ້ານໂດລາສະຫະລັດ, ເຄື່ອງນຸ່ງຫົ່ມ 19 ລ້ານໂດລາສະຫະລັດ, ໂຄງຮ່າງ (ຊິ້ນສ່ວນກ້ອງບັນທຶກພາບ) 18 ລ້ານໂດລາສະຫະລັດ, ກາເຟ (ບໍ່ທັນໄດ້ປຸງແຕ່ງ) 13 ລ້ານໂດລາສະຫະລັດ ແລະ ເຂົ້າ 11 ລ້ານໂດລາສະຫະລັດ, ໃນນັ້ນ ໄດ້ສົ່ງອອກໄປ ສປ ຈີນ 181 ລ້ານໂດລາສະຫະລັດ, ຫວຽດນາມ 111 ລ້ານໂດລາສະຫະລັດ, ໄທ 98 ລ້ານໂດລາສະຫະລັດ, ອິນເດຍ 12 ລ້ານໂດລາສະຫະລັດ ແລະ ຍີ່ປຸ່ນ 8 ລ້ານໂດລາສະຫະລັດ.
ສ່ວນສິນຄ້ານໍາເຂົ້າຫລັກແມ່ນເຄື່ອງໄຟຟ້າ ແລະ ອຸປະກອນໄຟຟ້າ 41 ລ້ານໂດລາສະຫະລັດ, ພາຫະນະທາງບົກ (ນອກຈາກລົດຈັກ, ລົດໄຖ) 40 ລ້ານໂດລາສະຫະລັດ, ນ້ຳມັນກາຊວນ 37 ລ້ານໂດລາສະຫະລັດ, ອຸປະກອນກົນຈັກ (ນອກຈາກເຄື່ອງກົນຈັກພາຫະນະ) 37 ລ້ານໂດລາສະຫະລັດ, ເຫລັກ ແລະ ເຄື່ອງທີ່ເຮັດດ້ວຍເຫລັກ, ເຫລັກກ້າ 32 ລ້ານໂດລາສະຫະລັດ.
