ນ້ຳຖ້ວມພາກກາງຂອງຫວຽດນາມ ພົບຜູ້ເສຍຊີວິດ 55 ຄົນ ສູນຫາຍ 13 ຄົນ

              ສໍານັກງານແກ້ໄຂໄພພິບັດ ແລະ ເຂື່ອນກັ້ນນໍ້າຂອງຫວຽດນາມລາຍງານໃນວັນທີ 22 ພະຈິກວ່າ: ຈໍານວນຜູ້ເສຍຊີວິດຈາກຝົນຕົກໜັກ ແລະ ນໍ້າຖ້ວມຢູ່ພາກກາງຂອງຫວຽດນາມເພີ່ມຂຶ້ນເປັນ 55 ຄົນ ແລະ ຍັງມີຜູ້ສູນຫາຍອີກ 13 ຄົນ.

              ນໍ້າໄດ້ຖ້ວມເນື້ອທີ່ກະສິກໍາເກືອບ 80,000 ເຮັກຕາ ທັງເນື້ອທີ່ນາ ແລະ ຜົນຜະລິດອື່ນໆ ແລະ ເຮັດໃຫ້ສັດປີກ ແລະ ສັດລ້ຽງ 3.2 ລ້ານກວ່າໂຕເສຍຊີວິດ ຫລື ຖືກນໍ້າພັດໄປ.

              ລາຍງານລະບຸວ່າ: ເຮືອນ 28,400 ກວ່າຫລັງຍັງຖືກນໍ້າຖ້ວມ. ຂະນະທີ່ເຮືອນອີກ 946 ຫລັງໄດ້ຮັບຄວາມເສຍຫາຍ.

               ທາງການປະເມີນຄວາມເສຍຫາຍທາງເສດຖະກິດໄວ້ເກືອບ 9 ພັນລ້ານດົງ ຫລື ປະມານ 358 ລ້ານໂດລາສະຫະລັດ.

ອ້າງອີງ:

• https://www.bbc.com/news/articles/ceq0q3e2j17o
• https://www.channelnewsasia.com/asia/central-vietnam-flooding-people-killed-landslides-houses-submerged-5479266
• https://www.dw.com/en/vietnam-floods-landslides-kill-at-least-41-people/a-74822370