ຢີ່ປຸ່ນ ຊ່ວຍເຫລືອລ້າແຂວງຫົວພັນ ກໍ່ສ້າງຊົນລະປະທານ ແລະ ໂຮງຮຽນມັດທະຍົມຕອນຕົ້ນ ລວມມູນຄ່າ 233,616 ໂດລາ

ວັນທີ 28 ຕຸລາ 2025 ແຂວງຫົວພັນ ຈັດພິທີ ເຊັນສັນຍາ ໂຄງການຊ່ວຍເຫລືອລ້າຈາກລັດຖະບານຢີ່ປຸ່ນ ໂດຍການເຂົ້າຮ່ວມລົງນາມຕ່າງໜ້າຝ່າຍລາວ ທ່ານ ພອນສຸກ ອິນທະວົງ ຮອງເຈົ້າແຂວງຫົວພັນ ແລະ ຝ່າຍຢີ່ປຸ່ນໂດຍທ່ານ ໂຄອິຊຸມິ ຊຶໂຕະມຸ ເອກອັກຄະຣາຊະທູດຢີປຸ່ນ ປະຈຳ ສປປລາວ ແລະ ພາກສ່ວນກ່ຽວຂ້ອງ.

ໂຄງການຊ່ວຍເຫລືອລ້າຈາກລັດຖະບານຢີ່ປຸ່ນ ທີ່ມອບໃຫ້ແຂວງຫົວພັນໃນຄັ້ງນີ້ມີ 2 ໂຄງການຄື:

– ໂຄງການກໍ່ສ້າງຊົນລະປະທານ ນ້ຳສິມ ເມືອງວຽງໄຊ ມີມູນຄ່າການກໍ່ສ້າງ 142,271 ໂດລາ ໂດຍແມ່ນຫ້ອງການກະສິກຳ ແລະ ສິ່ງແວດລ້ອມເມືອງວຽງໄຊ ເປັນເຈົ້າຂອງໂຄງການ.

– ໂຄງການກໍ່ສ້າງໂຮງຮຽນມັດທະຍົມຕອນຕົ້ນ ບ້ານແກ່ວກູ້ ເມືອງແອດ ເຊິ່ງມີມູນຄ່າການກໍ່ສ້າງ 91,345 ໂດລາ ຫ້ອງການສຶກສາທິການ ແລະ ກິລາ ເມືອງແອດເປັນເຈົ້າຂອງໂຄງການ.

ທັງໝົດເປັນທຶນຊ່ວຍເຫລືອລ້າຈາກລັດຖະບານຢີ່ປຸ່ນ ໂດຍຜ່ານສະຖານທູດຢີ່ປຸ່ນປະຈຳລາວ.

ທີ່ມາ: Houaphan News