ຜົນກະທົບພາຍຸບົວລອຍຢູ່ຊຽງຂວາງ ເຮັດໃຫ້ເຂື່ອນນໍ້າງຽບ2C ແລະ 2B ເປ່ເພ ປະຊາຊົນສູນຫາຍ 2 ຄົນ

ຂ່າວເມືອງຄູນ ແຂວງຊຽງຂວາງ ລາຍງານວ່າ: ວັນທີ 29-30 ກັນຍາ 2025  ເມືອງຄູນໄດ້ຮັບຜົນກະທົບຈາກພາຍຸບົວລອຍ ເຮັດໃຫ້ປະລິມານນໍ້າຈາກຫ້ວຍຮ່ອງຕ່າງໆ ເພີ່ມຂຶ້ນຢ່າງໄວວາ, ມີດິນເຊາະເຈື່ອນທັບທາງຫລາຍຈຸດເປ່ເພ ບໍ່ສາມາດສັນຈອນໄດ້ ເປັນຕົ້ນ ເສັ້ນທາງຫລວງແຫ່ງຊາດ 1D ລະຫວ່າງ ເມືອງຄູນ ແຂວງຊຽງຂວາງ ຫານໍ້າແຊ່ໜອນ ຊາຍແດນ ແຂວງໄຊສົມບູນ ໄລຍະປະມານ 53 ກມ ຜ່ານຈາກການປະເມີນເບື້ອງຕົ້ນ ເສັ້ນທາງແມ່ນໄດ້ຮັບຜົນກະທົບປະມານ 80%

ຄວາມເສຍຫາຍຕໍ່ເຂື່ອນໄຟຟ້ານໍ້າງຽບ 2C ແລະ 2B ຈໍານວນໜຶ່ງໄດ້ຮັບຄວາມເສຍຫາຍເປ່ເພ ມີຜູ້ສູນຫາຍ 2 ຄົນ (ຍັງບໍ່ສາມາດຊອກເຫັນ),  ເຮືອນຂອງປະຊາຊົນຕາມແຄມນໍ້າຖືກດິນທັບຖົມ ເຊາະເຈື່ອນ, ເນື້ອທີ່ທໍາການຜະລິດກໍໄດ້ຮັບຄວາມ ເສຍຫາຍໜັກ.   ເບື້ອງຕົ້ນພາກສ່ວນກ່ຽວຂ້ອງໄດ້ຕິດຕາມ ແລະ ມອບເຄື່ອງທີ່ຈໍາເປັນຈໍານວນໜຶ່ງແກ່ປະຊາຊົນທີ່ຖືກເຄາະຮ້າຍ ດັ່ງກ່າວ.