ລາວຈະໃຊ້ງົບຫລາຍກວ່າ 22 ຕື້ກີບ ຈັດກິດຈະກຳປີທ່ອງທ່ຽວລາວ 2018
ທ່ານ ອຸ່ນທວງ ຂາວພັນ ຮອງລັດຖະມົນຕີກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ໃຫ້ຮູ້ວ່າ: ປີທ່ອງທ່ຽວ ລາວ 2018 ທີ່ຄາດວ່າລາວຈະ ໃຊ້ງົບປະມານຫລາຍເຖິງ 22,94ຕື້ກີບເພື່ອນຳໃຊ້ເຂົ້າໃນ 18 ກິດ ຈະກຳ ໃນຂອບເຂດທົ່ວປະເທດ ເຊັ່ນ: ບຸນປີໃໝ່ຊົນເຜົ່າກຶມມຸທີ່ ແຂວງອຸດົມໄຊ, ງານບຸນເສົາ ຫລັກເມຶືອງ 10 ຊົນເຜົ່າແຂວງ ເຊກອງ, ບຸນພະບາດ ໂພນສັນ ແຂວງບໍລິຄຳໄຊ, ບຸນຊົນເຜົ່າ ແຂວງຫລວງນ້ຳທາ, ງານເທດ ສະການດອກງິ້ວບານ ແຂວງບໍ່ ແກ້ວ, ບຸນຊ້າງ ແຂວງໄຊຍະບູລີ, ບຸນວັດພູ ແຂວງຈຳປາສັກ, ບຸນ ພະທາດສີໂຄດ ແຂວງຄຳມ່ວນ, ບຸນປີໃໝ່ລາວ ແຂວງຫລວງ ພະບາງ, ງານສະເຫລີມສະ ຫລອງແກ້ວຫລັກເມືອງ ແລະ ທ່ອງທ່ຽວຊົມຖ້ຳຜູ້ນຳ ແຂວງ ຫົວ ພັນ, ບຸນຊ່ວງເຮືອ ແຂວງສາລະ ວັນ, ບຸນນະມັດສະການພະທາດ ຫລວງນະຄອນຫລວງວຽງຈັນ, ບຸນຊ່ວງເຮືອເມືອງຂວາ ແຂວງ ຜົ້ງສາລີ, ບຸນພະທາດອີງຮັງ ແຂວງສະຫວັນນະເຂດ, ບຸນກິນ ຈຽງ (ຫລັກ 52) ແຂວງວຽງ ຈັນ, ບຸນກິນຈຽງ ແຂວງໄຊສົມ ບູນ ແລະ ງານນະມັດສະການ ພະເຈົ້າໄຊເສດຖາ ແຂວງອັດ ຕະປື.
+ ລັດຖະມົນຕີ ຖວທ ເນັ້ນຄະນະຮັບພິຊອບ ກະກຽມຄວາມພ້ອມເປີດປີທ່ອງທ່ຽວ 2018 ໃຫ້ດີ
+ ປີທ່ອງທ່ຽວລາວ 2018 ຈະເປີດຂຶ້ນພ້ອມບຸນນະມັດສະການພະທາດຫລວງ
ສຳລັບການເຄື່ອນໄຫວ ແລະ ກິດຈະກຳປິ່ນອ້ອມ ຢູພາຍ ໃນ ປະກອບມີ: ການຈັດຂະບວນ ຄາລາວານລົດທ່ອງທ່ຽວຕາມ ເສັ້ນທາງແຫລ່ງທ່ອງທ່ຽວ ບາງແຂວງພາກເໜືອ ແລະ ພາກໃຕ້, ການຈັດລາຍການ ຢ້ຽມຢາມແຫລ່ງທ່ອງທ່ຽວ ສຳລັບສື່ມວນຊົນ ແລະ ບໍລິສັດ ທ່ອງທ່ຽວພາຍໃນ ແລະ ຕ່າງ ປະເທດ ເພື່ອໂຄສະນາຜະລິດ ຕະພັນ ແລະ ແຫລ່ງທ່ອງທ່ຽວ ອັນໂດດເດັ່ນຂອງ ສປປ ລາວ, ໂດຍສະເພາະ ແມ່ນແຫລ່ງທ່ອງ ທ່ຽວປະຫວັດສາດ, ວັດທະນະ ທຳ ແລະ ທຳມະຊາດ, ກິດຈະ ກຳສະເຫລີມສະຫລອງວັນ ທ່ອງທ່ຽວໂລກ, ບຸນມະໂຫລານ ສິລະປະການສະແດງພື້ນເມືອງບັນດາເຜົ່າ ທົ່ວປະເທດໃນງານ ບຸນນະມັດສະການພະທາດ ຫລວງ.
ນອກນີ້, ຍັງມີກິດຈະກຳ ທີຖືກສະເໜີເຂົ້າເພີ່ມມີພິທີຕັກ ບາດໃຫຍ່, ການເຕັ້ນລຳວົງ, ແລະ ເຕັ້ນບັດສະຫລົບ, ລາຍ ການທ່ອງທ່ຽວຂີ່ລົດຖີບອາ ຊຽນ, ການ ແຂ່ງລົດຈັກວິບາກ, ກິດຈະກຳ ປີນໜ້າຜາ ແລະ ກິດ ຈະກຳອື່ນໆ.
ສ່ວນລາຍການເຄື່ອນໄຫວ ແລະ ກິດຈະກຳປິ່ນອ້ອມຢູ່ຕ່າງ ປະເທດມີຈັດງານວັນລາວ (Lao night) ໃນງານ ATF 2018 ຢູ່ຊຽງໃໝ່ ປະເທດໄທ, ຈັດງານ Cooktail ຢູ່ ITB Berlin 2018 ປະເທດເຢຍ ລະມັນ, ງານວາງສະ ແດງທ່ອງ ທ່ຽວສາກົນ SMT ຢູ່ ປາຣີ ປະ ເທດຝຮັ່ງ, ຈັດງານວັນ ລາວ (Lao night) ທີ່ງານ Lao Festival ທີ່ໂຕກຽວ ປະເທດ ຍີ່ປຸ່ນ, ຈັດງານວັນລາວ (Lao night) ໃນງານ ITE HCM ຢູ່ປະເທດຫວຽດນາມ, ງານ ວາງສະແດງທ່ອງທ່ຽວສາກົນ WTM ຢູ່ລອນດອນ ປະເທດ ອັງກິດ.
