ເຊກອງສຳມະນາການຈົດທະບຽນຕະຫລາດຫລັກຊັບ

ຊຸດສຳມະນາການຈົດທະບຽນຕະຫລາດຫລັກຊັບພາຍໃຕ້ ຫົວຂໍ້ “ການກະກຽມຄວາມ ພ້ອມເພື່ອລະດົມທຶນຜ່ານຕະ ຫລາດທຶນ ແລະ ຈົດທະບຽນ ໃນ ຕະຫລາດຫລັກຊັບ” ຢູ່ແຂວງເຊກອງໄດ້ຈັດຂຶ້ນໃນວັນທີ 13  ມິ ຖຸນານີ້, ໂດຍການເຂົ້າຮ່ວມເປີດ  ພິທີຂອງທ່ານ ເຫລັກໄຫລ ສີວິໄລ  ຮອງເຈົ້າແຂວງເຊກອງພ້ອມ ດ້ວຍພະແນກການອ້ອມຂ້າງຫົວ ໜ່ວຍທຸລະກິດ ແລະ ຜູ້ປະກອບ ການຕ່າງໆເຂົ້າຮ່ວມ.

+ ເພີ່ມຄວາມຮູ້ວຽກງານຕະຫລາດທຶນໃຫ້ສື່ມວນຊົນລາວ

+ ລາວຈະປັບນະໂຍບາຍຕະຫລາດຫລັກຊັບ

ທ່ານ ຮອງເຈົ້າແຂວງເຊ ກອງມີຄຳເຫັນໃນພິທີວ່າ: ໃນໄລ ຍະຜ່ານມາພັກ ແລະ ລັດຖະບານ ໄດ້ເອົາໃຈໃສ່ຊີ້ນຳພາກສ່ວນ ກ່ຽວຂ້ອງເພື່ອຈັດຕັ້ງ ແລະ ພັດ ທະນາຕະຫລາດທຶນ ໃຫ້ມີການ ຂະຫຍາຍຕົວຢ່າງຕັ້ງໜ້າ ແລະ ໄດ້ຊ່ວຍໃຫ້ວິສາຫາກິດສາມາດລະດົມທຶນໃນໄລຍະຍາວ ຈາກ ພາຍໃນ ແລະ ຕ່າງປະເທດໃນໄລຍະເວລາອັນສັ້ນໆ ແລະ ສົມເຫດສົມຜົນ ໃນການອອກຈຳໜ່າຍຮຸ້ນໃຫ້ແກ່ມວນຊົນນີ້ເຫັນວ່າມວນ ຊົນຍັງບໍ່ທັນເຂົ້າໃຈເລິກເຊິ່ງກ່ຽວກັບພາບລວມຂອງຕະ ຫລາດທຶນລວມທັງການກະກຽມຕົນເອງໃນດ້ານຕ່າງໆ ເພື່ອອອກຈຳໜ່າຍຮຸ້ນ ແລະ ຈົດທະບຽນໃນຕະຫລາດຫລັກຊັບລາວ.

ຊຸດສຳມະນາຄັ້ງນີ້ມີຫົວຂໍ້ “ການກະກຽມຄວາມພ້ອມເພື່ອລະດົມທຶນຜ່ານຕະຫລາດທຶນ ແລະ ຈົດທະບຽນໃນຕະ ຫລາດຫລັກຊັບ” ມັນມີຄວາມສຳຄັນຫລາຍເພື່ອພວກເຮົາຈະໄດ້ຮຽນຮູ້ ແລະ ມີທາງເລືອກໃໝ່ຂອງການລະດົມທຶນ ແລະ ການລົງທຶນ, ຜົນປະໂຫຍດ ແລະ ຂັ້ນຕອນການລົງທຶນໃນຕະຫລາດຫລັກຊັບ ແລະ ຮຽນຮູ້ກ່ຽວກັບການກະກຽມເຂົ້າຕະ ຫລາດຫລັກຊັບໃຫ້ແກ່ທຸກພາກສ່ວນໃນສັງຄົມ ແລະ ເປັນພື້ນຖານສຳຄັນໃນການແລກປ່ຽນຊື້ຂາຍຮຸ້ນໃນຕະຫລາດຫລັກ    ຊັບລາວ.