ມອບ-ຮັບໜ້າທີ່ຫົວໜ້າກົມພັດທະນາສີມືແຮງງານ ແລະ ຈັດຫາງານຜູ້ໃໝ່

ພິທີມອບ-ຮັບໜ້າທີ່ຫົວໜ້າກົມພັດທະນາສີມືແຮງງານ ແລະ ຈັດຫາງານ ຄົນໄໝ່, ໄດ້ມີຂຶ້ນໃນວັນທີ 21 ມີຖຸນານີ້, ທີ່ກະຊວງດັ່ງກ່າວ, ລະຫວ່າງທ່ານນາງ ອານຸສອນ ຄຳສິງສະຫວັດ ຫົວໜ້າກົມພັດທະນາສີມືແຮງງານ ແລະ ຈັດຫາງານ ຜູ້ໃໝ່ ແລະ ທ່ານ ພູວັນ ຈັນທະວົງ ຫົວໜ້າກົມພັດທະນາສີມືແຮງ ງານ ແລະ ຈັດຫາງານ ຜູ້ເກົ່າ (ອອກພັກຜ່ອນບຳນານ), ໂດຍການເຂົ້າຮ່ວມຂອງທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ມີບັນດາພາກສ່ວນກ່ຽວຂ້ອງເຂົ້າຮ່ວມ, ໂດຍອີງຕາມ ດຳລັດຂອງນາຍົກລັດຖະມົນຕີ ວ່າດ້ວຍການ ຈັດຕັ້ງ ແລະ ການເຄື່ອນໄຫວຂອງກະຊວງແຮງງານ ແລະ ສະຫວັດດີການສັງ ຄົມ, ອີງຕາມມະຕິກອງປະຊຸມຄະນະປະຈຳ ພັກກະຊວງ ຮສສ ປະຈຳເດືອນ ມີນາ 2017. ດັ່ງນັ້ນ, ລັດຖະມົນຕີ ກະຊວງແຮງງານ ຈິ່ງໄດ້ຕົກລົງເຫັນດີ ແຕ່ງຕັ້ງທ່ານນາງ ອານຸສອນ ຄຳສິງສະຫວັດ ເປັນຜູ້ຮັກສາການ ຫົວໜ້າກົມ ພັດທະນາສີມືແຮງງານ ແລະ ຈັດຫາງານ ປ່ຽນແທນທ່ານ ພູວັນ ຈັນທະວົງ ຫົວໜ້າກົມດັ່ງກ່າວຜູ້ເກົ່າ, ອອກ ພັກຜ່ອນບຳນານ.

ໃນໂອກາດນີ້, ທ່ານລັດຖະມົນຕີ ໄດ້ມີຄຳເຫັນວ່າ: ນີ້ແມ່ນຄວາມຮຽກຮ້ອງຕ້ອງການຂອງໜ້າທີ່ການເມືອງ ແລະ ການ ເຕີບໃຫຍ່ຂະຫຍາຍຕົວຂອງຂົງເຂດວຽກງານແຮງງານ ແລະ ສະຫວັດດີການ ສັງຄົມໃນປັດຈຸບັນຢ່າງກວ້າງຂວາງທັງພາຍໃນ, ຕ່າງປະເທດ, ຂົງ ເຂດສາກົນ. ສະນັ້ນ, ຈຶ່ງຮຽກຮ້ອງມີການຈັດຕັ້ງທີ່ຄົບຊຸດ, ເຂັ້ມແຂງ ເພື່ອສາ ມາດຮອງຮັບການຈັດຕັ້ງປະຕິບັດຍຸດທະສາດ ແລະ ແຜນພັດທະນາວຽກງານ ແຮງງານ ແລະ ສະຫວັດດີການສັງຄົມ, ທີ່ພັກ-ລັດຖະບານມອບໝາຍໃຫ້, ອັນສຳຄັນ ແມ່ນການເຂົ້າຮ່ວມເປັນສະມາຄົມເສດຖະກິດອາຊຽນ (AEC) ແຮງງານມີການເຄື່ອນຍ້າຍໃນເຂດແຄວ້ນແບບເສລີ, ຫັນການຄຸ້ມຄອງແບບ ລວມສູນຕາມກົດໝາຍ, ດັ່ງນັ້ນ ຈຶ່ງຂໍຮຽກຮ້ອງໃຫ້ຄະນະກົມ ທີ່ໄດ້ຮັບການ ແຕ່ງຕັ້ງ, ສັບຊ້ອບຮັບໜ້າທີໃໝ່ຈົ່ງເພີ່ທມທະວີຄວາມຮັບຜິດຊອບ ແລະ ເປັນ ເຈົ້າການປະຕິບັດໜ້າທີ່ວຽກງານຂອງຕົນຮັບຜິດຊອບໃຫ້ມີປະສິດທິຜົນສູງຂື້ນ.