ບຸນກ້ວຍຄອບຄົວຕົວແບບການປູກກາເຟເປັນສິນຄ້າ

ຖ້າໃຜຫາກໄດ້ໄປເມືອງທ່າແຕງແຂວງເຊກອງກໍຈະຮູ້ດີເຖິງຊື່ສຽງຮຽງນາມຂອງ ທ່ານ ບຸນກ້ວຍ ມະນີວົງ ຢູ່ບ້ານຈຸນລາ ເມືອງ ແລະ ແຂວງດັ່ງກ່າວ, ເຊິ່ງຈາກຄອບຄົວທຸກຍາກ ຂາດເຂີນໃນເມື່ອກ່ອນໄດ້ກາຍມາເປັນຄອບຄົວຕົວແບບໜຶ່ງໃນການປູກກາເຟເປັນສິນຄ້າດັ່ງ ທ່ານ ບຸນກ້ວຍ ໄດ້ເລົ່າສູ່ຟັງວ່າ: ປັດຈຸ ບັນເຖິງວ່າຕົນເອງໄດ້ມີອາຍຸກ້າວເຂົ້າສູ່ຫລັກ 4 ຫລັກ 5 ແລ້ວກໍຕາມ, ແຕ່ຍາມໃດຕົນເອງກໍມີຄວາມພາກພູມໃຈເປັນທີ່ສຸດສາມາດນຳພາຄອບຄົວພ້ອມສະພາຊິກຫລາຍເຖິງ 7 ຄົນພົນອອກຈາກຄວາມທຸກຍາກຂາດເຂີນໄດ້  ແລະ ຍັງໄດ້ກາຍມາເປັນຄອບຄົວຕົວແບບໃນການປູກກາເຟ ເປັນສິນຄ້າອີກດ້ວຍ. ຈາກຄອບຄົວຊາວໄຮ່ຊາວນາໃນເມື່ອກ່ອນ ເຖິງຈະສູ້ຊົນພົ້ນທຸກມາຫລາຍສິບ ປີແຕ່ສະພາບຄອບຄົວ ກໍຍັງທຸກ ຍາກຂາດເຂີນຈົນຈະຫາທາງ ອອກບໍ່ໄດ້.  ແລະ ກໍເປັນຈັ່ງບຸນ ພໍຕົກມາຮອດປີ 2001 ພັກ ແລະ ລັດຖະບານເຮົາໄດ້ມີນະໂຍບາຍ ສົ່ງເສີມການຜະລິດສິນຄ້າຂອງ ປະຊາຊົນບ່ອນ ທີ່ມີເງື່ອນໄຂ ດັ່ງເມືອງທ່າແຕງແຫ່ງນີ້ກໍເປັນເມືອງໜຶ່ງທີ່ມີທ່າແຮງປູກກາ ເຟເປັນສິນຄ້າ ແລະ ຄອບຄົວຂອງຕົນເອງກໍໄດ້ຮັບການຄັດ ເລືອກຈາກໂຄງການປູກກາເຟຄຸນນະພາບ ຍ້ອນຄອບຄົວມີທ່າ ແຮງທາງດ້ານເນື້ອທີ່ດິນທີ່ສາມາດປູກກາເຟໄດ້ປະມານ 6-7 ເຮັກຕາ, ຈິ່ງໄດ້ຮັບການສະໜັບສະໜູນເບ້ຍກາເຟ ແລະ ຝຸ່ນວິທະຍາສາດຈຳນວນໜຶ່ງເພື່ອ ເປັນທຶນ ຮອນໃນເບື້ອງຕົ້ນ, ຄອບຄົວກໍໄດ້ສົມທົບທຶນປະມານ 9 ລ້ານກວ່າກີບເພື່ອ ບຸກເບີກເນື້ອທີ່ດິນ ແລະ ໄດ້ປູກໃນເນື້ອທີ່ປະມານ 5 ເຮັກຕາ ແລະ  2-3 ປີຕໍ່ມາກາເຟ ດັ່ງກ່າວກໍໃຫ້ຜົນຜະ ລິດທີ່ໜ້າພູມໃຈ  ແລະ ສາມາດຊ່ວຍໃຫ້ ຄອບຄົວມີລາຍຮັບແຕ່ 30-40  ລ້ານກີບຕໍ່ປີ ແລະ ໄດ້ກາຍເປັນທຶນຮອນທີ່ສຳຄັນໃຫ້ແກ່ຄອບ ຄົວບຸນກ້ວຍສາມາດ ຂະຫຍາຍ ເນື້ອທີ່ປູກກາ ເຟຕື່ມອີກເກືອບ 10 ເຮັກຕາແລ້ວ.

+ ອະນາຄົດທີ່ມືດມົນຂອງຄົນຮັກກາເຟ

+ ຜົນກວດສອບໄດ້ແກ້ໄຂສະພາບຫຍໍ້ທໍ້ໃນຂົງເຂດງົບປະມານ-ການເງິນຫລຸດລົງ

ທ່ານ ບຸນກ້ວຍ ເປີດເຜີຍໃຫ້ຮູ້ອີກວ່າ: ເວົ້າເລື້ອງເຕັກນິກການປູກກາເຟກໍບໍ່ຫຍຸ້ງຍາກພໍປານໃດ, ພຽງແຕ່ເຮົາໄດ້ຮັບຄຳແນະນຳຈາກໂຄງການປູກກາເຟຄຸນນະພາບ ແລະ ນັກວິຊາ ການຂອງຫ້ອງການກະສິກຳ-ປ່າໃຫ້ເມືອງ, ບວກກັບການຊອກຮູ້ວ່າ: ຮຽນ ດ້ວຍຕົນເອງຈາກບົດຮຽນ ແລະ  ປະສົບການຕ່າງໆຂອງໝູ່ຄູ່ ເພື່ອນມິດສະຫາຍທີ່ໄດ້ມີອາຊີບ ນີ້ມາກ່ອນ ແລ້ວແຕ່ຈຸດສຳຄັນ ທີ່ສຸດແມ່ນຕ້ອງເປັນຄົນດຸໝັ່ນຂະຫຍັນພຽນ, ອົດທົນພະຍາຍາມ ໃນການເສຍຫຍ້າຂ້າຫຸ້ນ ແລະ  ນຳໃຊ້ຝຸ່ນຄອກຝຸ່ນຂຽວທີ່ໄດ້ກະກຽມໄວ້ເປັນແຕ່ ລະໄລຍະ ຂອງ ມັນ, ພ້ອມຮູ້ຕິດຕາມເບິງການຈະເລີນເຕີບໂຕຂອງຕົ້ນກາເຟຖ້າປະກົດເຫັນມີແມງໄມ້ ຫລື ສັດຕູພືດເຂົ້າມາບຸກພວກເຮົາກໍຕ້ອງມີວິທີຮັບມືໃຫ້ໄດ້. ຈາກຄວາມພະຍາຍາມດັ່ງກ່າວ ຈິ່ງເຮັດໃຫ້ຄອບຄົວຂ້າພະເຈົ້າ  (ບຸນກ້ວຍ) ປະສົບຜົນສຳເລັດໃນການປູກກາເຟສິນຄ້າໄດ້  ແລະ ສາມາດຊ່ວຍໃຫ້ຄອບຄົວມີລາຍຮັບເປັນກອບເປັນກຳນຳ ພາພັດທະນາຊີວິດການເປັນ ຢູ່ນັບມື້ດີຂຶ້ນ. ມາຮອດປັດຈຸບັນ ຄອບຄົວບຸນກ້ວຍມີເຮືອນຢູ່ຖາວອນເປັນຂອງຕົນເອງ. ມີພາຫະນະນຳໃຊ້, ມີທຶນຮອນສົ່ງເສີມລູກຫລານໄດ້ໄປສຶກສາຮ່ຳຮຽນ ແລະ ສິ່ງສຳຄັນແມ່ນ ມີທຶນຮອນຂະຫຍາຍກິດຈະການຂອງຕົນອອກໄປເລື້ອຍໆ.