ທ່ຽວຊົມຕາດຫີນຄັນນາ ແລະ ຕາດຊອນ

ຕາດຫີນຄັນນາຕັ້ງຢູ່ເມືອງນາຊາຍທອງຫ່າງຈາກນະຄອນ ຫລວງວຽງຈັນໄປທາງທິດເໜືອປະມານ 25 ກິໂລ ແມັດ. ເຖິງວ່າ ຕາດຫີນຄັນນາຈະເປັນຕາດທີ່ມີຂະໜາດບໍ່ໃຫຍ່ແຕ່ກໍເປັນແຫລ່ງທ່ອງທ່ຽວທີ່ໄດ້ຮັບຄວາມນິຍົມ ຈາກຊາວນະຄອນຫລວງເປັນ ຈຳນວນບໍ່ໜ້ອຍເພາະເປັນຕາດທີ່ມີຄວາມງົດງາມ, ມີນ້ຳໃສ ໄຫລເຢັນ ແລະ ປົກ ຄຸມໄປດ້ວຍ ທຳມະຊາດອັນງົດງາມສາມາດ ດຶງດູດໃຫ້ມາທ່ຽວຊົມ. ຢູ່ທີ່ນີ້, ທ່ານສາມາດພັກຜ່ອນຢ່ອນ ອາລົມ ແລະ ເຮັດກິດຈະກຳຕ່າງໆ ກັບຄອບຄົວ ແລະ ໝູ່ເພື່ອນໄດ້ ຫລາຍຢ່າງເປັນຕົ້ນແມ່ນການລົງຫລິ້ນຕາດ, ການລ່ອງ ເຮືອ ແລະ ການກິນເຂົ້າປ່າສາມັກຄີຢູ່ແຄມຕາດ ເຊິ່ງທ່ານສາມາດປຸງແຕ່ງອາຫານກິນເອງຫລື ວ່າຈະຊື້ອາຫານທ້ອງຖິ່ນທີ່ບໍລິການ ໂດຍປະຊາຊົນໃນຂົງເຂດດັ່ງກ່າວກໍໄດ້.

ສ່ວນຕາດຊອນກໍເປັນສະຖານທີ່ທ່ອງທ່ຽວແຫ່ງໜຶ່ງໃນນະຄອນຫລວງວຽງຈັນທີ່ໄດ້ ຮັບຄວາມນິຍົມເຊັ່ນກັນ. ຕາດນີ້ ຕັ້ງຢູ່ບ້ານນາຊອນ, ຫ່າງຈາກ ເສັ້ນທາງເລກທີ 13 ເໜືອລ້ຽວ ຊ້າຍຜ່ານບ້ານຫ້ວຍນ້ຳເຢັນເຂົ້າໄປ ປະມານ 30 ນາທີ. ຕາດ ຊອນເປັນບ່ອນທີ່ເໝາະແກ່ການ ພັກຜ່ອນທ້າຍອາທິດ ແລະ ວັນພັກຕ່າງໆ ເຊິ່ງທ່ານສາມາດລົງຫລິ້ນນ້ຳຢ່າງມ່ວນຊື່ນ ພ້ອມກິນ ເຂົ້າສາມັກຄີ-ຊຸມແຊວກັບໝູ່ຄູ່ ແລະ ຄອບຄົວ. ພິເສດຍັງ ມີການບໍລິການຂີ່ຊ້າງ ເລາະໄປຕາມຮົ່ມໄມ້ຫາຍໃຈເອົາອາກາດທີ່ສົດຊື່ນ ແລະ ທ່ານຍັງຈະໄດ້ຕື່ນຕາຕື່ນໃຈກັບ ການສະແດງຂອງຊ້າງຄຳຮູ້ນຳອີກ.